Mu mukino wa nyuma wo guhatanira igikombe cy’Amahoro wari wahuje amakipe ya Rayon Sports na APR FC waje kurangira ikipe ya Rayon Sports yegukanye iki gikombe nyuma y’imyaka 7 itazi uko gisa.
Ni umukino wabereye kuri sitade mpuzamahanga ya Huye aho watangiye ikipe ya APR FC ifite ishyaka ryo gutsinda ariko kureba mu izamu birayinanira, aho yagiye inahusha ibitego.
Ikipe ya Rayon Sports nayo yanyuzagamo igasatira aho Ngendahimana Eric yatsinze igitego ariko umusifuzi wo ku ruhande aza gusanga yarariye.
Nyuma ikipe ya Rayon Sports yaje gutsinda igitego ibifashijwemo na Ngenahimana Eric nyuma yuko umuzamu wa APR FC yari arutse umupira yari atewe maze agahita awusubiza mu izamu ari nako igice cya mbere cyaje kurangira ndetse ikomeza kukirinda kugeza ubwo umukino waje kurangira ari igitego 1-0.
Ikipe ya Rayon Sports yari iheruka igikombe cy’Amahoro muri 2016 akaba ari igikombe cya 10 cy’amahoro itwaye mu buzima bwayo.
Ikipe ya Mukura VS niyo yegukanye umwanya wa gatatu nyuma yo gutsinda Kiyovu igitego 1-0.
About The Author
